Корбан бәйрәме белән !!!
Корбан бәйрәме авылда гөрләп узды. Ял булганга күрә бик күп авылдашлар кайттылар. Мәчетнең эче шыгрым тулы, яшьләр дә шактый күренә иде.Көн күңелсез, яңгырлы булуга карамастан, кешеләрнең күңелләре күтәренке, һәр кешедә бәйрәм рухы иде. Аллаһы Тәгаләнең ризалыгын өмет итеп,бик күп авылдашлар корбан чалдылар, зиратка барып әрвахларга дога кылдылар. Быелгы гает бәйрәме җомга көн белән туры килде, җомга намазына да шактый кеше килгән иде. Кызганыч, җомга намазына башка вакытта килүчеләр аз шул. 20 ләп бабайдан башка йөрүче юк. Нишләптер урта буын кешеләре мәчеткә йөрүне кирәк тапмыйлар, ә бит юкса шундый әйбәт мәчетебез бар. Барлык Ачасыр халкын һәм Ачасыр каны агучы һәрбер авылдашларны Гает бәйрәме белән котлыйм. Һәрберебезгә Алаһы Тәгалә исәнлек- саулык, гаилә тынычлыгы, балаларыбызның исәнлеген бирсен. Бәйрәмнәр мөбарәк булсын!
Добавил: Марат (27.11.2009) |
Просмотров: 2376
|
Вход на сайт