Шәмсетдинов Якуб абый истәлегенә багышлана

Ильгиз белэн Ильдус Яруллиннарны Туган коннэре белэн котлыйбыз!

Авылыбызда төшерелгән кино турында

Ачасыр гимны (скачать)

Прослушать и скачать другие татарские мелодии и рингтоны на сотовые телефоны можно здесь

Добавить новость, поздравление

Укытучыларга багышлап

Минем мәктәпне тәмамлаганыма инде берничә ел үткән булса да, аны әлегә әллә ни сагынмасам да, мәктәптә булган хәлләр еш кына исемә төшәләр. Хәер, һәркемнең дә хәтернедә сакланып калгандыр андый чаклар... Менә 5 октябрь көнне иртүк укырга барганда гадәттәгедән зуррак "бөкегә" эләктем, нәтиҗәдә лециягә соңга калдым. Шулай автобус тәрәзәсеннән күзәткәләп барганда шактый гына кешеләрнең чәчәк тотып кайдадыр ашыкканнарына игътибар иттем, бу күренеш миңа бүген укытучылар көне икәнен исемә төшерде...

Эйе, сине "Кеше" иткән кешеләрнең олугъ бәйрәмнәрен оныту, оят!.. Тик вакытында кулыма смс алып әниемне котладым да, хәтирәләремне яңартып уйга калдым... Гадәттә дүшәмбе иртән яки шимбә соңгы дәрес итеп физика белән астрономия куялар иде. Марс Маликович дәрес материалы белән бергә, кызыклы, дөняви вакыйгалар сөйли-сөйли иде дә, "Оказывается!"-диеп имән бармагын күрсәтеп, "мхатовский" тынлык тотып, ишек тоткычын тартып куеп мавыктыргыч сөйләвен чын ораторларча дәвам итә иде. Гаҗәп, истә калган икән шундый мизгелләр. Ә Шакиров Рәмил абый, без 5 класска күчкәндә яңа, яшь укытучы иде. Ә без энергия белән тулы үсмерләр аның шундый "яшел" булуыннан файдаланып, кабинеттагы шкаф артына качып, аның нерв кылларында уйнап, үзебезне башка кабинетлардан эзләргә мәҗбүр иткән идек. Тик үсә төшкәч акыл керде(!), Рамил Фронович безнең өчен чын, зур хәрефтән язарлык, укытучыга әйләнде. Кем белә, бәлки башкаларга караганда да аны күбрәк хөрмәт итә башлаганбыздыр. Ә Гатиятуллин Марат абыйның дәресләрен, без зарыгып көтеп ала торган идек, әдәбият дәресләрендә аның Мөһәммәт Мәһдиев кебек сөйли башлавы шул әсәргә сине алып кереп китә иде дә... үзеннән үзе әсәрне ахырына кадәр укыттыра иде...

Эх, искә төшерә башласаң күп икән андый вакыйгалар, барысын да монда язып бетереп булмый, тик шулай да урыс әйтмешли "ностальгия"... һәрбер укытучы хәтеремдә үзенең ниндидер индивидуаль ягы белән истә калган икән...

Хөрмәтле укытучыларыбыз: Максумов Марс Малик улы, Гатиятуллин Марат Гомәр улы, Абзалина Гөлнур Әхмәт кызы, Замалиева Асия Габбас кызы, Замалиева Фәридә Гапделбари кызы, Сабитова Тәнзилә Нәбиулла кызы, Гафиятуллина Әлфия Абдулсамат кызы, Гайнуллина Мөслимә Кәлимулла кызы, Шакиров Рәмил Фрон улы, Гобәйдуллина Рәйсә Алмаз кызы, Шайхуллин Рафаэль Гарәф улы, Шигабутдинова Гөлназ Фәрит кызы,Гатауллин Линар Искәндәр улы, Гиниятуллина Фәния Габбас кызы, һ.б лаеклы ялда булган барлык укытучылар! Сезне шушы профессиональ, халыкара бәйрәмегез белән, чын күңелдән тәбрик итәбез. Нык сәламәтлек, бәхет-шатлыклар, күңел тынычлыгы белән сезгә аң-фәһемле укучылар, сабырлык, түземлекләр телисе килә. Бәйрәмегез белән Сезне!

Хәтирәләрен искә төшереп, хәтер калдырырлык мизгелләр булган булса гафу сорап, сезне яратып, хөрмәт итеп, Ачасыр мәктәбен тәмамлаган укучылар исеменнән Алисә Замалиева.

→ Марат
05.10.2011:	Рәхмәт мәтрүнәгә!