Мәчеттә яңарту эшләре бара
Авылыбызда мәчет гыйбадәт кылу урыны булып, күп авылдашларны шатландырып, куандырып тора. Авылның яме буларак аның манарасыннан көн саен 5 вакыт намазга азан янгырый. Атнага 3 тапкыр хаҗи Габбаз хәзрәт теләүчеләргә мәдрәсәдә укулар алып бара. Балалар, урта һәм олы буын кешеләре мәдрәсәгә йөреп гыйлемнәрен арттыралар. Балалар укудан килгәнгә күрә аларны җылы чәй, тәм-том белән дә сыйлыйлар. Инде менә тәһарәт алу өчен дә бөтен уңайлыклар тудырыла. Минуллин Әнвәр абыйның матди ярдәме белән мәчет эченә су кертелде, бәдрәф тә эчтә була хәзер. Кадыйров Равил абый, Хаҗи Габбаз хәзрәт, Абзалин Әнвәр абый, Сиразиев Юныс абый, Бикмуллин Хәдис абый, Сәләхов Госман абыйларның тырыш хезмәте, Кадыйров Әнвәр абый белән Абзалутдинов Зөфәр абыйларның ярдәме белән шушы эшләр башкарыла. Рәхмәт аларга! Мәчетебез гөрләп торсын, йөрүчеләр саны кимемәсен, ә киресенчә, артсын иде.
Добавил: Марат (04.11.2011) |
Просмотров: 1667
|
Вход на сайт