Авылыбызның хөрмәткә лаек кешесе-имамы Валиуллин Габбаз Ярулла улы турында
Авылыбызда Габбаз хәзрәт мөхтәрәм кешеләрнең берсе. Ул үзенең бөтен барлыгын, бөтен мәсләген авылыбыздагы динне торгызуга багышлаган хөрмәтле кешебез. Бүген ул армый-талмый Алаһы тәгалә каршындагы бурычын үти. Җилкәсенә йөкләнгән иң авыр эшне алып бара. Үзен белә башлаганнан бирле динне өйрәнеп, динсезлек заманында да качып-посып булса да дин тоткан, намазлар укыган.
Әйтерсең лә, бу көннәрнең киләсенә күңеле белән сизенгән, алдан ук әзерләнгән. Аллаһы Тәгалә үзе юл күрсәткән. Бүген шушы белгәннәрен балаларга, дин өйрәнергә теләүчеләргә өйрәтә. Нурлы йөзе, чиста күңеле, тәмле теле белән ул үзе артыннан бик күпләрне ияртә.
Белемен арттыру нияте белән 1991-1993 елларда Казандагы "Ислам дине кабул ителүгә 1000 ел" исемендәге Кабан арты мәдрәсәсендә укый. 1998 елда Ходай Тәгалә тарафыннан фарыз кылынган Хаҗ сәфәренә дә барып кайта. Шулай үз өстенә салынган бурычны хилафсызык үти Хаҗи Габбаз хәзрәт. Авылыбызда бүген бик күп балалар мәдрәсәгә дин сабаклары алырга йөри. Киләчәктә дә бик озак еллар исән-сау булып авылыбызга хезмәт итсә иде. Әмма Габбаз хәзрәт күпме генә тырышса да мәчеткә йөрүче урта буын яшьләр азрак. Нишләптер адәм баласы мәчеткә тартылмый, җомга намазларына да картлар гына йөри. Гел акча, байлык артыннан чабып, үзебезнең бер вакыт Ходай каршына барачагыбызны онытмыйсы иде.
Добавил: Марат (01.06.2009) |
Просмотров: 2709
|
Вход на сайт