Янып калды гомере маяк булып, үзеннән соң килгән буынга
Олы Ачасыр авылы халкы җитәкчеләр турында сүз чыкканда, "Менә Тимершин вакытында ..." дип сөйләп китәләр. Югыйсә , "Совет" колхозын Госман Тимершиннан соң берничә җитәкче җитәкләде. Дистә еллардан соң да сагынып сөйләрлек булгач, нинди кеше булганын чамалавы кыен түгел.
Госман үзен яшьтән үк оста оештыручы итеп таныта. 1939 елдан ул Норлат МТСында комбайнчы булып эшли. Тырыш егетне тиз күреп алалар: комсомол оешмасы секретаре итеп сайлап куялар. Җиң сызганып эшләп, тормышлар рәтләнә генә башлаганда фашистлар Германиясе сугыш башлый. Госманны, әлбәттә инде, Кызыл Армия сафларына алалар. Анда да грамоталы егет тиз күзгә чалына, Краснодардагы хәрби училищега җибәрәләр. Училищедан соң фронтның алгы сызыгына китә , яраланып госпитальгә эләгә . Ләкин комсомолец егет яралары төзәлеп бетүне дә көтми, үзен алгы сызыкка җибәрүләрен сорап, гариза яза. Теләгенә каршы килмиләр, әлбәттә. Мәскәү янындагы каты сугышларда катнаша. Воронеж өчен барган сугышта Тимершин командалыгында булган взвод беренчеләр рәтендә була.
1942 ел ахырында Тимершин икенче мәртәбә яралана. Яралары төзәлгәч, Ростов шәһәрендә артиллерия полкында хезмәт итә . Ул командалык иткән взвод сугышчыларының кыюлыгына сокланучылар күп була. Соңыннан, шушы көннә рне искә төшереп, Госман ага менә ничек яза: "Һавада немец самолетлары үлем таратып очалар. Авыллар-шәһә рләр дөрләп яна. Тимер юлларда – тетелгән паровозлар, вагоннар. Куркынган хатын-кызлар, балалар елаша, анда-монда чабышып, качу өчен урын эзлиләр. Бөтен Украина ут эчендә . Бу күренешләр әле дә күз алдымда тора. Үлгән әнисенең күкрәген имеп ятучы сабый балаларны искә төшергәндә хәзер дә йөрәгем тетрәп китә". Иң батыр сугышчы, әлбәттә , командир Госман. Кировоград, Донбасс өчен барган канкойгыч сугышларда татар егете белән торып сугышкан сугышчылар батырлык үрнәкләре күрсәтә. Госман Тимершин исә Ватан сугышы ордены белән бүләкләнә. Командование аның әти- әнисенә улларының батырлыгы турында хат җибәрә . Үзен- үзе аямый сугышкан Тимершин өченче тапкыр яралана һәм бары тик врачларның зур тырышлыгы нәтиҗәсендә генә яңадан сафка баса ала. Госман Тимершин Олы Ачасырга 1946 елда гына әйләнеп кайта. Инвалид булуына карамастан, Ачасыр МТСында партком секретаре булып эшли башлый, аннан соң авыл кулланучылар җәмгыятен җитәкли. Кайда гына эшләмәсен, Госман Тимершин үзен бары тик уңай яктан гына күрсәтә. Тиздән, 1952 елда аны утыз меңчеләр сафында "Совет" колхозына председатель итеп җибәрәләр. Шактый гына артта калган бу хуҗалык кыска гына вакыт эчендә алдынгылар рәтенә күтәрелә . Ун ел эчендә (1953-63) сөт җитешерү - 9, ит җитештерү - 3,6, йомырка җитештерү исә - 9,5 тапкыр арта. "Ут кеше иде, кулыннан килмәгән эше юк иде. Үзе дә эшли, кешене дә эшләтә белә иде. Мин - председатель, дип тормады, чәчү вакытында , кеше җитешмәгәндә, зур-зур капчыкларны җилтерәтеп алып, арбага ташыганнарын хәтерлим әле", - дип искә төшерә хезмәт ветераны, авылыбызның хөрмәтле кешесе Хәдис Лотфулла улы Фәйзуллин. Олы Ачасыр авылы халкы бик хөрмәт итә аны, 1963 елда Татарстан АССР Югары Советына депутат итеп сайлап, зур ышаныч күрсәтә . 1966 елда Госман ага "Почет билгесе" ордены белән бүләкләнә . 1970 елда Г.Тимершин "Приволжье" колхозын җитәкли башлый. Колхозны алга җибәрүдәге уңышлары өчен тырыш фронтовик Октябрь Революциясе ордены белән бүләкләнә . Госман ага лаеклы ялга чыккач та , җитәкче урыннарда эшләде. Алар Нәзифә апа белән 4 бала үстереп, барысына да югары белем алырга мөмкинлек бирделәр. Балалары хөрмәткә лаек кешеләр. Бүген Госман ага безнең арабызда юк инде. Әмма аның эше, үзеннән соң калган якты исеме авылдашларым кү ңелендә мәңге сакланыр. Гүзәл Минһаҗева,
9 июнь, 2000 ел
Добавил: Марат (01.01.2010) |
Просмотров: 2150
|
Вход на сайт