Хөрмәтле ветераннарыбыз. Нуруллин Габдулла
Миндә аерым ветераннар турында тулырак мәгълүматлар бар. Шушы бүлектә алар турындагы язмаларны кертергә уйлыйм.
Нуруллин Габдулла.
Нуруллин Габдулла Нурулла улы 1926 елның 23 февралендә туа. Ачасыр башлангыч мәктәбендә 4 класс белем алган. Тормыш авырлыклары аңа белемен дәвам итәргә мөмкинчелек бирмәгән.
1943 елның 14 ноябрендә Габдулла Норлат военкоматы чакыруы буенча 17 яшьлек чагында фронтка китә. Мәскәү өлкәсендә кече командирлар әзерли торган полкта әзерләнеп, Белоруссия фронтына озатыла. Рудниевская дивизиясяенең 51 нче укчы полкында рота командиры ярдәмчесе була. Русча яхшы белгәнгә күрә элемтә һәм сигнализация эшләрен башкара. "Багратион" операциясендә катнаша һәм шунда каты яралана. Бергә хезмәт иткән авылдашлары авылга "үлгән" хәбәре җибәрәләр. Тик, гомере бтмәгән икән, аны горкий шәһәре госпиталенә озаталар. Анда операция ясыйлар, 8 ай дәвамында дәваланганнан соң Мәскәүдә хезмәт итә. Ул көнчыгыш фронтына сугыш кораллары ташый. Авылга Габдулла Нурулла улы 1950 нче елда гына әйләнеп кайта.
Габдулла авылга кайткач өйләнә. Алар мөсәмирә апа белән 3 ул тәрбияләп үстерделәр. Һәрберсе тормышта үз урынын тапты.
Габдулла абый вафат инде. Әмма тормышның кадерен белеп, җиләк-җимешләр үстереп яшәде ул гомерен. Тормыштан канәгатъ булып: "Гомерем буе муллыкта яшәдем, кешеләргә эшләгән яхшылыгым үземә үк әйләнеп кайтты" - дип әйтә торгна булган ул.
Добавил: Марат (02.02.2010) |
Просмотров: 2479
|
Вход на сайт
